Olimpiadadan so‘ng sport obyektlari ko‘pincha talabgir bo‘lmay qoladi. Turindagi binolar ham tashlandiq bo‘lib qoldi — u yerga afrikalik qochoqlar ko‘chib kirib oldi. “RBK” ular Olimpiya shaharchasida qanday yashashini ko‘rsatib berdi.
20-Olimpiya o‘yinlari Turinda 2006-yilning fevralida o‘tkazilgan edi. Yubiley qishki Olimpiadaga mezbonlik qilish huquqini Italiya shahri Shveysariyaning Syon shahrini ortda qoldirib, qo‘lga kiritgan edi. Shaharda qariyb 65 ta sport obyektlari qurildi, shuningdek, metropoliten ochildi.
Olimpiada shaharni sanoat markazidan sayyohlik markaziga aylantirishi kerak edi. Turin avtomobilsozlik poytaxti hisoblanadi: u yerda FIAT, Lancia va Iveco kompaniyalari bosh qarorgohlari joylashgan.
Olimpiya shaharchasi hududida yashash uchun 300 ta xonali to‘rtta bino joylashgan. Dastlab musobaqalardan keyin uylar tijoriy foydalanishga topshirilishi rejalashtirilgan edi.
Olimpiadadan so‘ng binolar qo‘llailmay qoldi. 2013-yilda Turindagi Olimpiya shaharchasiga mingdan ortiq afrikalik qochoqlar joylashtirildi. Bugungi kunda tashlandiq obyektlarda 30 mamlakatdan kelgan muhojirlar yashaydi.
Ayni paytda uylar yarim tashlandiq holatda bo‘lib, ta’mirtalab bo‘lib qolgan. Nozik beton konstruksiyalar va gips-karton devorlar yashash uchun zarur sharoitlarni ta’minlay olmaydi.
2015-yil yanvarida Turin hukumati afrikalik muhojirlarni Olimpiya shaharchasidan haydashni boshladi. Loyiha doirasida shaharchadagi binolar 2020-yilgacha buzib tashlanishi, barcha yashovchilarga esa boshqa boshpana, ta’lim va ish qidirishda ko‘mak taqdim etilishi kerak.
Izoh (0)