Futbol bo‘yicha Angliya Premyer-Ligasining 26-turiga kelib Gvardiola boshqaruvidagi “Siti” mavsum boshidan buyon to‘rtinchi bor ochko yo‘qotdi.
“Byornli” mehmoni bo‘lgan “shaharliklar” o‘yin yakuniga bir necha daqiqa qolganida g‘alabani qo‘ldan chiqardi. Bungacha “Siti” bilan “Everton” hamda “Kristal Pelas” klublari durang o‘ynagan bo‘lsa, “Liverpul” manchesterliklarning mavsumdagi yagona mag‘lubiyatiga sababchi bo‘lgandi.
Kechagi tur “Yunayted” uchun omadli bo‘lib, Mourinyo shogirdlari “Xaddersfild”dan o‘ch oldi. “Mankunianlar” mavsumdagi ketma-ket 8 ta turni mag‘lubiyatsiz o‘tkazgan bo‘lib, 9-turda aynan “Xaddersfild” maydonida ilk bor yengilgandi. Kecha Lukaku hamda jamoaning yangi a’zosi — Sanches tomonidan urilgan gollar “Old Trafford”ni shod ayladi.
Qishki transferda eng faol bo‘lgan “Arsenal” esa mana endi xavfli raqibga aylanganini isbotlay oldi. Yangi futbolchilarning kelishi Aaron Remzining kayfiyatini ko‘tarib, “Everton”ga qarshi o‘yinda u 3 ta gol urdi. Qizig‘i, “Arsenal” Liverpul shahrida ham raqibi darvozasiga 5 ta gol urgan va 5:2 hisobida zafar quchgandi.
Debyut o‘yini omadsiz chiqqaniga qaramay, jamoasining “Emireytes”dagi ilk o‘yinida Genrix Mxitaryan 3 ta golli uzatma berib, tarixga kirdi. “Arsenal” futbolchilari 2012-yildan buyon bitta o‘yinda 3 ta golli uzatma bera olmayotgandi. Shuningdek, jamoaga yangi olib kelingan Pyer-Emerik Obameyangning debyut o‘yinda gol urishi ham, “Arsenal” muxlislarini quvontirdi. Mavsum boshida xuddi shu ishni Aleksandr Lyakazett uddalay olgandi. Kecha u maydonga chiqarilmadi.
Bugun turning markaziy o‘yini bo‘lib o‘tadi va unda “Tottenhem” futbolchilari “Liverpul” uyiga tashrif buyuradi. Bir tur avval “Yunayted”ni taslim qila olgan “shporlar” 1-davrada “Liverpul” ustidan yirik g‘alabaga erishgandi — 4:1.
Angliya Premyer-Ligasi 26-tur bellashuvlari 3-fevral, shanba
“Byornli” — “Manchester Siti” 1:1
Gollar: Danilo, 22 (0:1). Yoxan Gudmundsson, 82 (1:1).“Manchester Yunayted” — “Xaddersfild” 2:0
Gollar: Romelu Lukaku, 55 (1:0). Aleksis Sanches, 68 (2:0).Noaniq penalti: Aleksis Sanches, 68 (M).“Lester” — “Suonsi” 1:1
Gollar: Jeymi Vardi, 17 (1:0). Federiko Fernandes, 53 (1:1).“Vest Bromvich” — “Sautgempton” 2:3
Gollar: Ahmed Xegazi, 4 (1:0). Mario Lemina, 40 (1:1). Jek Stivens, 43 (1:2). Jeyms Uord-Prouz, 55 (1:3). Salomon Rondon, 72 (2:3).“Brayton” — “Vest Hem” 3:1
Gollar: Glen Myurrey, 8 (1:0). Xavyer Ernandes, 30 (1:1). Xose Iskyerdo, 59 (2:1). Paskal Gross, 75 (3:1).“Bornmut” — “Stok Siti” 2:1
Gollar: Jerdan Shakiri, 5 (0:1). Joshua King, 70 (1:1). Lis Musse, 79 (2:1).“Arsenal” — “Everton” 5:1
Gollar: Aaron Remzi, 6 (1:0). Loran Koselni, 14 (2:0). Aaron Remzi, 19 (3:0). Pyer-Emerik Obameyang, 37 (4:0). Dominik Kalvert-Levin, 64 (4:1). Aaron Remzi, 74 (5:1).4-fevral, yakshanba“Kristal Pelas” — “Nyukasl” 19:15“Liverpul” — “Tottenhem” 21:30
5-fevral, dushanba“Uotford” — “Chelsi” 01:00
Izoh (0)