Футбол бўйича Англия Премьер-Лигасининг 26-турига келиб Гвардиола бошқарувидаги «Сити» мавсум бошидан буён тўртинчи бор очко йўқотди.
«Бёрнли» меҳмони бўлган «шаҳарликлар» ўйин якунига бир неча дақиқа қолганида ғалабани қўлдан чиқарди. Бунгача «Сити» билан «Эвертон» ҳамда «Кристал Пэлас» клублари дуранг ўйнаган бўлса, «Ливерпуль» манчестерликларнинг мавсумдаги ягона мағлубиятига сабабчи бўлганди.
Кечаги тур «Юнайтед» учун омадли бўлиб, Моуриньо шогирдлари «Хаддерсфилд»дан ўч олди. «Манкунианлар» мавсумдаги кетма-кет 8 та турни мағлубиятсиз ўтказган бўлиб, 9-турда айнан «Хаддерсфилд» майдонида илк бор енгилганди. Кеча Лукаку ҳамда жамоанинг янги аъзоси — Санчес томонидан урилган голлар «Олд Траффорд»ни шод айлади.
Қишки трансферда энг фаол бўлган «Арсенал» эса мана энди хавфли рақибга айланганини исботлай олди. Янги футболчиларнинг келиши Аарон Ремзининг кайфиятини кўтариб, «Эвертон»га қарши ўйинда у 3 та гол урди. Қизиғи, «Арсенал» Ливерпуль шаҳрида ҳам рақиби дарвозасига 5 та гол урган ва 5:2 ҳисобида зафар қучганди.
Дебют ўйини омадсиз чиққанига қарамай, жамоасининг «Эмирейтес»даги илк ўйинида Генрих Мхитарян 3 та голли узатма бериб, тарихга кирди. «Арсенал» футболчилари 2012 йилдан буён битта ўйинда 3 та голли узатма бера олмаётганди. Шунингдек, жамоага янги олиб келинган Пьер-Эмерик Обамеянгнинг дебют ўйинда гол уриши ҳам, «Арсенал» мухлисларини қувонтирди. Мавсум бошида худди шу ишни Александр Ляказетт уддалай олганди. Кеча у майдонга чиқарилмади.
Бугун турнинг марказий ўйини бўлиб ўтади ва унда «Тоттенҳэм» футболчилари «Ливерпуль» уйига ташриф буюради. Бир тур аввал «Юнайтед»ни таслим қила олган «шпорлар» 1-даврада «Ливерпуль» устидан йирик ғалабага эришганди — 4:1.
Англия Премьер-Лигаси 26-тур беллашувлари 3 февраль, шанба
«Бёрнли» — «Манчестер Сити» 1:1
Голлар: Данило, 22 (0:1). Йохан Гудмундссон, 82 (1:1).«Манчестер Юнайтед» — «Хаддерсфилд» 2:0
Голлар: Ромелу Лукаку, 55 (1:0). Алексис Санчес, 68 (2:0).Ноаниқ пенальти: Алексис Санчес, 68 (М).«Лестер» — «Суонси» 1:1
Голлар: Жейми Варди, 17 (1:0). Федерико Фернандес, 53 (1:1).«Вест Бромвич» — «Саутгемптон» 2:3
Голлар: Аҳмед Хегази, 4 (1:0). Марио Лемина, 40 (1:1). Жек Стивенс, 43 (1:2). Жеймс Уорд-Проуз, 55 (1:3). Саломон Рондон, 72 (2:3).«Брайтон» — «Вест Ҳэм» 3:1
Голлар: Глэн Мюррей, 8 (1:0). Хавьер Эрнандес, 30 (1:1). Хосе Искьердо, 59 (2:1). Паскаль Гросс, 75 (3:1).«Борнмут» — «Сток Сити» 2:1
Голлар: Жердан Шакири, 5 (0:1). Жошуа Кинг, 70 (1:1). Лис Муссе, 79 (2:1).«Арсенал» — «Эвертон» 5:1
Голлар: Аарон Рэмзи, 6 (1:0). Лоран Коселни, 14 (2:0). Аарон Рэмзи, 19 (3:0). Пьер-Эмерик Обамеянг, 37 (4:0). Доминик Калверт-Левин, 64 (4:1). Аарон Рэмзи, 74 (5:1).4 февраль, якшанба«Кристал Пэлас» — «Ньюкасл» 19:15«Ливерпуль» — «Тоттенҳэм» 21:30
5 февраль, душанба«Уотфорд» — «Челси» 01:00
Изоҳ (0)