O‘zbekistonda probatsiya xizmati joriy etilishi ko‘zda tutilmoqda
O‘zbekistonda ozodlikdan mahrum qilish bilan bog‘liq bo‘lmagan jazolar ijrosi uchun mas’ul bo‘lgan probatsiya xizmatini joriy qilish ko‘zda tutilmoqda. Bu haqda “Faol tadbirkorlik, innovatsion g‘oyalar va texnologiyalarni qo‘llab-quvvatlash yili” davlat dasturi loyihasida ma’lum qilingan, deya xabar beradi “Xalq so‘zi”.
Probatsiya xizmati ozodlikdan mahrum qilish bilan bog‘liq bo‘lmagan jazoga hukm qilingan, jumladan, shartli hukm qilingan mahkumlarni qayta tarbiyalash, ularning huquqlarini ro‘yobga chiqarish borasida ishlar samaradorligini oshirish hisoblanadi.
Ishlab chiqilishi nazarda tutilayotgan normativ-huquqiy hujjatlar loyihalarida ana shu jihatlar belgilab qo‘yiladi. Probatsiya xizmati shaxsiy tarkibini qisqartirilayotgan yo‘l-patrul xizmati postlari shtat birliklari hisobidan shakllantirish nazarda tutilmoqda.
Bu boradagi normativ-huquqiy hujjatlar joriy yil 20-noyabrga qadar ishlab chiqiladi.
