Novosibirsk yaqinida ro‘y bergan yong‘inda 10 nafar chet ellik ishchi halok bo‘ldi

Rossiyaning Novosibirsk shahri yaqinidagi Chernorechensk tumanida joylashgan poyabzal korxonasida ro‘y bergan yong‘inda 10 kishi halok bo‘ldi. Bu haqda “RBK” xabar bermoqda.

Korxonada 30 nafar chet ellik ishlagan. Dastlabki ma’lumotlarga ko‘ra, qurbonlarning 7 nafari Xitoy, 2 nafari Qirg‘iziston fuqarosi.

Tergov qo‘mitasi hodisa yuzasidan jinoiy ish qo‘zg‘adi, uning sabablariga aniqlik kiritilmoqda.