Jaguar Land Rover kompaniyasi Jaguar va Land Rover avtomobillarida itlarni olib yurishga mo‘ljallangan aksessuarlar to‘plamini ishlab chiqdi. Bu haqda kompaniyaning matbuot xizmati tomonidan ma’lum qilingan.

To‘plamga yumshoq va qattiq gilamchalar, shuningdek, yukxonani maxsus ajratuvchi kirgan. Bundan tashqari, Land Rover avtomobillarida yukxonaga bog‘liq holda orqa qismning balandligini o‘zgartirish mumkin. Bu hayvonga mashinaga chiqish va undan tushishni yengillashtiradi.

Kompaniya vakilining aytishicha, aksessuarlar faol hayot tarziga ega va uzoq safarlarga uy hayvonlarini olib ketishga odatlangan mijozlarga mo‘ljallangan.