Tesla va SpaceX bosh direktori Ilon Maskning boyligi 20,7 milliard dollarni tashkil etadi, shu sabab u hashamatli koshonada yashashni o‘ziga ep ko‘ra oladi, deb xabar berdi Forum Daily.
2016-yilda Mask Los-Anjelesning Bel-Eyr kompleksidan 24,25 million dollar evaziga yangi koshona sotib olgan edi — bu Mask tomonidan ushbu kompleks hududidan sotib olingan beshinchi ko‘chmas mulk bo‘lib, ularning barchasining narxi 72 million dollar atrofida turadi.
Barcha uylar bir-biriga yaqin joylashgan, ularning ayrimlarida ta’mirlash ishlari amalga oshirilmoqda. Ayni vaqtda Maskning bosh qarorgohi — 2012-yilda 17 million dollar evaziga sotib olgan koshonasi hisoblanadi. 2016-yilda esa u koshonasi yaqinidagi binoni 24,244 million dollarga sotib olgan. Hozirda esa u hali qurilish ishlari davom etayotgan zamonaviy uyni sotib oldi.
Bel-Eyr kompleksidan 2012-yilda Mask tomonidan sotib olingan birinchi uy klassik ko‘rinishga ega. Uning hovlisida tennis korti va basseyn joylashgan.
Maskning shaxsiy kinoteatri bo‘lib, u yerda milliarder videoo‘yinlar o‘ynashni yaxshi ko‘radi.
Uyda yettita yotoqxona va yettita yuvinish xonasi mavjud. Shuningdek, koshonada uy trenajyor zali ham joylashgan bo‘lib, Mask u yerda haftasiga ikki marta sport bilan shug‘ullanishga harakat qiladi.
Izoh (0)