Bugun,

  • USD 11095.31
  • RUB 173.84
  • EUR 10772.44

Jeff Bezos yana dunyoning eng boy odami deb topildi. Amazon asoschisi va bosh direktorining boyligi 93,8 milliard dollarga baholanmoqda, deb yozadi InsiderPro.

Foto: InsiderPro

Foto: InsiderPro

Amazonning uchinchi kvartaldagi yuqori daromadi unga 6,44 milliard dollar keltirdi, shundan so‘ng Bezos Bill Geytsdan birinchi o‘rinni olib qo‘ydi.

Amazon onlayn-giganti asoschisiga The Washington Post gazetasi va Blue Origin aerokosmik kompaniyasi ham tegishli.

Ushbu texnologik magnatning ish kuni qanday o‘tadi?

Bezos tabiiy uyqu kuchiga ishonadi. Tongda budilniksiz, yetarlicha dam olganligini his qilganda uyg‘onadi.

Milliarderning kuni har doim rafiqasi yozuvchi Makkenzi Bezos bilan nonushtadan boshlanadi.

Foto: InsiderPro

Foto: InsiderPro

Bezos rafiqasi va to‘rt nafar farzandiga yetarlicha g‘amxo‘rlik qilish uchun hech qachon erta tongdan uchrashuv belgilamaydi.

Foto: InsiderPro

Foto: InsiderPro

Umuman olganda, u rasmiy yig‘ilishlarni xush ko‘rmaydi. Amazon investorlari bilan uchrashuvga yiliga atigi olti soat ajratadi.

Foto: InsiderPro

Foto: InsiderPro

Agar majlisni chetlab o‘tish imkoni bo‘lmasa Bezos “ikkita pitssa qoidasi”ni qo‘llaydi: majlis ishtirokchilari ikkita pitssa bilan mehmon qilish mumkin bo‘lgan miqdorda bo‘lishi kerak, undan ortiq emas.

Foto: InsiderPro

Foto: InsiderPro

Bezos qo‘l ostidagilari bilan ancha keskin munosabatda bo‘ladi, biroq u “xulq-atvorini yumshatish” ustida ruhshunos bilan ishlayotgani haqidagi mish-mishlar tarqalgan.

Foto: InsiderPro

Foto: InsiderPro

Amazon madaniyati kamtarlik va tejamkorlikka asoslangan. Bezos qo‘l ostidagilarini massaj va tekin tushliklar bilan jalb qilish kerak deb hisoblamaydi.

Foto: InsiderPro

Foto: InsiderPro

Bezos noodatiy taomlarni yoqtiradi. Woot asoschisi Mett Rutlej bilan uchrashuvda u kartoshka, bekon, yashil sarimsoqli yogurt va tuxumli sakkizoyoq buyurtma qilgan — bularning barchasi nonushtaga. “Menyuga qarab hech qanday taassurotim bo‘lmagan, tushunmaydigan nimanidir ko‘rdim, — deydi Bezos. — Va nima bo‘lishidan qat’iy nazar nonushtaga sakkizoyoq kerakligini his qildim”.

Foto: InsiderPro

Foto: InsiderPro

Bundan tashqari, Bezos g‘ildirakdagi fastfudni xush ko‘radi. 2014-yilda u Business Insider bosh redaktori Genri Blojetga Amazon shtab-kvartirasi yaqinidan topish mumkin bo‘lgan son-sanoqsiz burger furgonlari haqida hikoya qiladi.  “To‘g‘risini aytganda, vaziyat nazorat ostidan chiqib ketayapti”, — deya tan oladi milliarder.

Foto: InsiderPro

Foto: InsiderPro

Bezos tushlikdan so‘ng doim idishlarni yuvadi.

Foto: InsiderPro

Foto: InsiderPro

U sport bilan shug‘ullanish-shug‘ullanmasligi noma’lum. Yaqinda internetda bosh direktorning konferensiyalardan birida olingan suratini muhokama qilishdi — ijtimoiy tarmoq foydalanuvchilari Bezosning yaxshi tashqi ko‘rinishidan hayratlanib, uni hatto Vin Dizelga o‘xshatdi.

Foto: InsiderPro

Foto: InsiderPro

Amazon xususiy kanallari uchun bir nechta ommabop seriallarga prodyusserlik qiladi — masalan, “Baland qo‘rg‘ondagi odam” va “Ravshan”. Biroq kompaniya bosh direktori yoshligidagi asosiy serial — “Yulduzli yo‘l”ga sodiq. U hatto “Startrek: Cheksizlik” filmida ko‘rinish bergan.

Foto: InsiderPro

Foto: InsiderPro

Bezosning yana bir kosmik qiziqishi bor: NASA eski raketalarini qidirib, suv osti kemasida sho‘ng‘ish. Milliarder ko‘pincha bolalarini ham o‘zi bilan birga olib boradi.

Foto: InsiderPro

Foto: InsiderPro

Bezos rejimga rioya qiladi va har tunda sakkiz soat uxlaydi.

Foto: InsiderPro

Foto: InsiderPro

Izoh
Asosiy yangiliklar
Mahalliy
Virtual kartalar nima va ulardan qanday qilib to‘g‘ri foydalanish mumkin?
Dunyo
Twitter ofisida xodimlar uchun karavotlar paydo bo‘ldi, Ilon Mask avvalroq me’yoridan ortiqcha ish bo‘lishi haqida ogohlantirgandi
Mahalliy
Xorazmda ikki kishi is gazidan vafot etdi