iPhone 8 va iPhone 8 Plus smartfonlari egalari yangi iPhone X gadjetlariga ega bo‘lish uchun eskilarini sotuvga qo‘ymoqda. Gadjetlar sotuvga chiqqaniga besh hafta bo‘ldi, deb eslatadi “Korrespondent.net”.

Foto: EPA

Aytilishcha, foydalanuvchilar eski gadjetlarini treyd-in amalga oshirish imkonini beradigan servislar orqali sotmoqda.

“Platformamizda faqat iPhone 7 paydo bo‘ladi deb o‘ylagan edik, lekin, aftidan, iPhone 8 egalari ham telefonlaridan rozi emas. Relizdan bir oy o‘tib bu qadar iPhone sotuvga qo‘yilishi oldin hech kuzatilmagan”, — ma’lum qildi shunday servislardan birining vakili.

iPhone X 3-noyabrdan chakana savdoga chiqariladi.