Maqolada ishga xodim olishda ish beruvchi qanday fazilatlarga e’tibor berishi haqida gapiramiz.

Foto: “Psychologies.ru”

Har tomonlama bilimlilik

Bilimlilik darajasi — bu faqat qaysidir lavozim uchun kerak bo‘ladigan bilimlar emas. Bu shu ishni yaxshi bajara olishingiz yoki olmasligingizni belgilaydigan har tomonlama bilimdonlikning to‘plamidir.

Bunga nafaqat bilimingiz va ma’lumotingiz, balki yana ish tajribangiz, sharoitlarga moslasha olish, mustaqil ravishda ma’lumot axtarish, ish rejasini tuzish va muhimligiga qarab joylashtirishni ham kiritish mumkin.

Tashabbuskorlik

Tashabbus jazolanadi degan ibora faqat hazil tariqasida aytiladi yoki rahbari o‘z xodimlarini odam o‘rnida ko‘rmaydigan unchalik yaxshi bo‘lmagan kollektivlarda ishlatiladi. Bunday joylarda ishlashni hech kim xohlamaydi.

Rahbari odil bo‘lgan sog‘lom kollektivda tashabbuskorlik har doim yaxshi qabul qilinadi. Xodim yaxshi takliflarni qancha ko‘p kiritsa, uning tanilish va taqdirlanish imkoniyati shuncha yuqori bo‘ladi.

O‘sishga intilish

Afsuski, xodimlarning ko‘pchiligi o‘sishga tayyor emas va barqaror oylikni olish, aniq belgilab berilgan vazifalarni bajarishni ma’qul ko‘rishadi.

Ish beruvchilarga muvaffaqiyatga erishish uchun o‘zining vaqtini va kuchini sarflashga tayyor bo‘lganlar yoqadi. Bu ularning mafaatlari — kompaniya manfaatlari uchun zarur.

Siz mustaqil ravishda o‘rganishga tayyor ekanligingizni, peshqadamlikka va rahbarlikka intilayotganingizni ko‘rsating.

Yoqimlilik

Yoqimlilik — bu ish uslubida did bilan kiyina bilish, dress-kodga rioya qilish, hamkasblar bilan yaxshi munosabatda bo‘lish kabi jozibadorliklarning to‘plami.

Atrofdagilar uchun qancha kam muammo tug‘dirsangiz va qancha ko‘proq ularni o‘zingizga tortsangiz, siz hamkasblaringizga ham, rahbaringizga ham shuncha ko‘proq yoqasiz.

Odoblilik

Tashkilotda xodimlar qancha ko‘p bo‘lsa, ular orasida odob-axloqning ahamiyati shuncha kattaroq bo‘ladi.

Agar siz urishmasangiz va janjal qilmasangiz, ishga shaxsiy muammolaringizni aralashtirmasangiz  va korporativ axloq qoidalariga rioya qilsangiz, unda ish beruvchi sizdan mamnun bo‘ladi.

Manba: “Psychologies.ru”