Virginiya orollari prezidenti. Tramp o‘z-o‘zi bilan uchrashganini ma’lum qildi

AQSh prezidenti Donald Tramp Vashingtondagi anjumanda Virginiya orollari prezidenti, ya’ni o‘zi bilan uchrashganini ma’lum qildi. Bu haqda “RIA Novosti” xabar bermoqda.

“Sizlarga aytsam, Texas, Florida, Luizianadan ketib Puerto-Rikoga bordim va Virginiya orollari prezidenti bilan uchrashdim”, — ma’lum qildi Tramp Values Voter Summit anjumanida.

So‘ng u “Virginiya orollari va uning prezidenti — ajabtovur odam ekan”ligini ma’lum qildi.

Amerikaning Virginiya orollari AQSh hukumati tomonidan boshqariladi.

Qayd etilishicha, Tramp o‘z nutqida orollar gubernatori Kennet Meppni nazarda tutgan. Tramp nutqining matn ko‘rinishidagi rasmiy talqinida uning Meppga murojaati “gubernator” so‘ziga almashtirilgan.

Bu Trampning o‘z nutqida geografik xatolarga yo‘l qo‘yishi bilan bog‘liq birinchi holat emas. Tramp BMT Bosh assambleyasi doirasida Afrika mamlakatlari rahbarlari bilan uchrashuvida Namibiyani ikki o‘rinda “Nambiya” deb atagan edi.