Toshkentdagi “Istiqlol” san’at saroyida ham konsertlar mavsumi ochildi. Jurnalist Feruz Muhammad san’at saroyida bo‘lib, chiptalarning kassadagi narxlari asosida eng qimmat konsertlar reytingini tuzdi.
10-o‘rin. “Dizayn” guruhi hamda “E’zozdasiz, aziz ustozlar!” gala konserti
3-oktabrda “E’zozdasiz, aziz ustozlar!” gala konsert dasturi bo‘lib o‘tdi. “Dizayn” guruhining konsert dasturi 4—10-dekabr kunlari bo‘lib o‘tishi rejalashtirilgan. Ikkala dasturning ham eng arzon chiptasi 15 ming so‘m, eng qimmati esa 80 ming so‘m qilib belgilangan.
9-o‘rin. Xonanda Ahror Usmonov konserti
Xonandaning 9—10-oktabr kunlari jonli ijroda bo‘lib o‘tadigan konsertga kirish narxi 10 ming so‘mdan boshlanib, 100 ming so‘mgacha yetadi.
8-o‘rin. Qiziqchi Avaz Oxun konserti
Qiziqchi Avaz Oxunning 1—5-noyabrda bo‘ladigan tomoshasiga eng arzon kirish chiptasi esa 15 ming so‘m, eng qimmati esa 100 ming so‘m qilib belgilangan.
7-o‘rin. Xonanda Bahrom Nazarov konserti
Xonandaning 14, 15, 16-noyabr kunlari bo‘ladigan konsertga kirish narxi 10 ming so‘mdan boshlanib, 120 ming so‘mgacha yetadi.
6-o‘rin. Xonanda Ulug‘bek Rahmatullayev konserti
Ulug‘bek Rahmatullayevning konserti 8—13-noyabr kunlari bo‘lib o‘tadi. Chiptalar narxi — eng arzoni 15 ming so‘m, qimmati — 150 ming.
5-o‘rin. Xonanda Shuhrat Daryo konserti
Xonanda Shuhrat Daryoning 25—26-oktabr kunlari jonli ijroda bo‘lib o‘tadigan dasturining chiptalari narxi quyidagicha — eng arzon chipta 20 ming so‘m, eng qimmat chipta esa 150 ming so‘m.
4-o‘rin. “Bojalar” guruhi konsert dasturi
“Bojalar” guruhining 1—2-dekabr kunlari bo‘lib o‘tadigan dasturining eng arzon chiptasi 20 ming so‘mdan, eng qimmati esa 180 ming so‘mdan sotilmoqda.
3-o‘rin. Munisa Rizayeva konserti
Munisa Rizayevaning 24, 25, 26-noyabr kunlari bo‘ladigan konsertining eng arzon chiptasi — 20 ming so‘m, eng qimmati esa — 200 ming so‘mdan.
2-o‘rin. Serdar O‘rtach
Turkiyalik xonanda Serdar O‘rtachning 24—25-sentabr kunlari bo‘lib o‘tgan konsert dasturining eng arzon chiptasi 40 ming so‘m, eng qimmati esa 1 million so‘mdan sotilgan edi.
1-o‘rin. Arash
Eron xonandasi Arash faqat bir kun — 13-oktabrda konsert beradi. Konsertga eng arzon chipta — 100 ming so‘m, eng qimmati esa 1,4 million so‘m.
Izoh (0)