Edin Jeko va Bosniya JCh—2018 bilan deyarli xayrlashdi. Hammasiga Belgiya “aybdor”

Roberto Martines boshchilik qilayotgan Belgiya terma jamoasi Yevropa mamlakatlari orasidan birinchi bo‘lib Rossiya—2018 chiptasini qo‘lga kiritgandi.

Shunday bo‘lsa-da, Belgiya asosiy futbolchilari bilan harakat qilishda davom etdi. Jamoa bu safar Bosniyaga tashrif buyurib, 4:3 hisobida zafar quchdi. Natijada bosniyaliklarning ahvoli anchagina og‘irlashib qoldi.

Boisi Gretsiya Kipr maydonida zafar quchdi — 2:1. So‘nggi turni Edin Jeko jamoadoshlari Estoniyada o‘tkazsa, Gretsiya o‘z maydonida 9 ta o‘yinda 43 ta gol o‘tkazgan Gibraltarni qabul qiladi. Bundan ko‘rinib turibdiki, pley-off yo‘llanmasi katta ehtimol bilan greklarga nasib qiladi.

Ma’lumot uchun, Bosniya va Gretsiyaning o‘zaro ikki o‘yinida ham durang qayd etilgandi — 0:0 va 1:1.

JCh—2018. Saralash “H” guruhi. 9-tur 7-oktabr, shanba

Bosniya — Belgiya 3:4

Gollar: Toma Menye, 4 (0:1). Xaris Medunyanin, 30 (1:1). Edin Vishcha, 39 (2:1). Mishi Batshuayi, 59 (2:2). Yan Vertongen, 68 (2:3). Dario Dumich, 82 (3:3). Yannik Karrasko, 84 (3:4).

Gibraltar — Estoniya 0:6

Gollar: Siym Luts, 10 (0:1). Mattias Kyayt, 30 (0:2). Sergey Zenev, 38 (0:3). Yoonas Tamm, 52 (0:4). Yoonas Tamm, 66 (0:5). Yoonas Tamm, 77 (0:6).

Kipr — Gretsiya 1:2

Gollar: Piyeros Sotiriu, 18 (1:0). Kostas Mitroglu, 24 (1:1). Aleksandros Siolis, 26 (1:2).