Niderlandiyalik ayol veb-kamera sotib oldi. Bir oydan so‘ng esa, qurilma u bilan so‘zlasha boshladi (video)

Niderlandiyaning Bryummen shahrida istiqomat qiluvchi Rilana Xamer Action do‘konidan unchalik katta bo‘lmagan veb-kamera sotib oldi. Ayol ushbu qurilma orqali uyidan uzoqda joylashgan kuchukchasini kuzatishni maqsad qilgan. Ammo biroz vaqtdan so‘ng, kamera ayolga qarab gapirgan va mustaqil ravishda aylana boshlagan, deb xabar berdi TJournal.

Aqldan ozayapman deb o‘yladim. Kunlarning birida mehmonxonadan qandaydir tovushlarni eshitib qoldim. Borib qarasam, kamera o‘zi mustaqil aylanyapti. Qurilmaga menga qarab burildi va men “Salom xonim” (fransuz tilida) degan ovozni eshitdim. Men o‘ngga va chapga harakat qildim, biroq kamera mening ortimdan burilishni davom etdi.

Rilana Xamer

Avvaliga ayol qurilmaning harakatiga e’tibor bermagan, biroq u tushunarsiz ovozlar chiqarishni davom etavergan. Nihoyat Xamer kameraga to‘g‘ridan-to‘g‘ri murojaat qilgan: “Salom, bu yerda kimdir bormi?”. Qurilma yana fransuz tilida javob qaytargan: “Salom xonim, ahvolingiz yaxshimi”. Shundan so‘ng, ayol qurilmni elektr manbaidan uzib, qutiga solib qo‘ygan.

Xamer buni qandaydir xaker amalga oshirmoqda, degan fikrga borgan va bo‘lib o‘tgan voqeani do‘stiga so‘zlab bergan. Ular kameradagi suhbatni yozib olish uchun qurilmani qutidan olishgan. Biroz vaqtdan so‘ng, ovoz yana eshitilgan. “Salom, siz fransuzcha gapira olasizmi?”, — deya so‘ragan xaker ingliz tilida. Unga javoban Xamer “uyimdan yo‘qol”, deya baqira boshlagan.

Oradan biroz vaqt o‘tgach Xamer kamerani do‘konga qaytarib oborgan, hozirda do‘konning texnik jamoasi voqea batafsil tekshirmoqda.

Vaziyat yetkazib beruvchi tomonidan tekshirilmoqda. Nosozlik kameradami yoki parollarni noto‘g‘ri ishlatish va Wi-Fi’ga ulanishdagi xatolikdami, shuni aniqlash lozim.

Bunday hol birinchi marta sodir bo‘lishi. Qurilma may oyidan beri sotuvda va deyarli barcha modellar o‘z xaridorini topib bo‘lgan. Biz gap nimada ekanligini aniqlashimiz darkor.

Action do‘koni vakili