28-sentabrdan O‘zbekiston bo‘ylab havo harorati pasayishi va yog‘ingarchilik kuzatiladi

Gidrometeorologiya markazidan ma’lum qilinishicha, haftaning ikkinchi yarmidan O‘zbekiston bo‘ylab havo harorati pasayadi, yog‘ingarchiliklar kuzatiladi. Bu haqda Uz24 xabar bermoqda.

Toshkent, Jizzax, Samarqand va Sirdaryo viloyatlarida 28–29-sentabr kunlari havo harorati kunduzi +15…+20, kechasi +8…+13 darajagacha tushadi. 30-sentabr kuni harorat kunduzi +18…+23, kechasi +6…+11 darajaga yetadi.

Qoraqalpog‘iston va Xorazm viloyatida 28–30-sentabr kunlari harorat kunduzi +13…+18, kechasi +3…+8 darajani tashkil etadi.

Buxoro va Navoiy viloyatlarida 28-sentabr kuni yomg‘ir yog‘adi. 28–30-sentabr kunlari harorat +15…+20, kechasi +6…+11 darajaga yetadi.

Qashqadaryo va Surxondaryo viloyatlarida 28–29-sentabr kunlari yomg‘ir yog‘adi. Harorat 27–28-sentyabr kunlari kechasi +10…+15, kunduzi +23…+28, 29–30-sentyabrda esa kechasi +6…+11, kunduzi +20…+25 darajagacha ko‘tariladi.

Andijon, Namangan va Farg‘ona viloyatlarida 29–30-sentabr kunlari yomg‘ir yog‘adi. 27–28-sentabr kunlari kunduzi harorat +20…+25, 29–30-sentabrda +15…+20 darajaga yetadi. 27–29-sentabr kunlari kechasi +10…+15, 30-sentabr kuni +7…+12 darajani tashkil qiladi.

Tog‘li hududlarda 28–30-sentabr kunlari yomg‘ir yog‘adi, 27–28-sentabr kunlari kechasi +7…+12, 29–30-sentabrda +2…+7 darajaga yetadi. 28–30-sentabrda kunduzi +10…+15 daraja iliq bo‘lishi kutilmoqda.