London metrosidagi terakt tergovi doirasida Duvr portida qo‘lga olingan 18 yoshli o‘smir politsiyaga tanish bo‘lgani va Iroqdan kelgan qochoq ekanligi bildirilmoqda. Bu haqda “TASS” xabar berdi.
The Daily Telegraph nashriga ko‘ra, o‘smir London janubi-g‘arbidagi Sanberi-on-Temzi shaharchasida asrab olingan bolalarni tarbiyalash bilan shug‘ullangan keksa juftlikning uyida istiqomat qilgan.
88 yoshli Ronald Jons va uning 71 yoshli turmush o‘rtog‘i Penelopa politsiyaga iroqlik ekanligi taxmin qilingan bir qochoq tarbiyasini uddalay olmayotganlaridan shikoyat qilishga majbur bo‘lgan. Qo‘shnilar teraktdan ikki hafta oldin o‘smirni Jonslarning uyiga politsiyachilar olib kelganini aytmoqda.
Izoh (0)