Bugun,

  • USD 11095.31
  • RUB 173.84
  • EUR 10772.44

Xitoy Super Ligasining 25-turiga kelib O‘zbekiston milliy terma jamoasining ikki futbolchisi gol urishga muvaffaq bo‘ldi.

Foto: Getty Images

Foto: Getty Images

Anzur Ismoilov to‘p suradigan “Chanchun Yatai” safarda 5:1 hisobida zafar quchdi. Uchrashuvdagi ilk golga aynan o‘zbekistonlik himoyachi mualliflik qildi. Bu uning mavsumdagi uchinchi goli bo‘ldi.

Odil Ahmedov jamoadoshlari esa Shanxay derbisida 6:1 hisobida ustun keldi. O‘zbekiston milliy terma jamoasi sardori Xalkning pasidan so‘ng jamoasining uchinchi golini kiritdi.

Dunyoning eng katta maoshli futbolchilaridan biri bo‘lgan argentinalik Karlos Teves 46-daqiqaga kelib maydonda ko‘rinish berdi. U tushguniga qadar, hisob ochilmagandi. Teves tushishi bilan “Shanxay SIPG” 6 ta gol urib tashladi.

Andre Villash-Boash jamoasining baxtiga mazkur turda peshqadam “Guanjou Evergrand” 2:2 hisobida durang o‘ynab, 2 ochko yo‘qotdi. Mazkur klub ikki yildan buyon oltin medallarni hech kimga bermaydi.

Xitoy Super Ligasi 25-tur uchrashuvlari 15-sentabr, juma

“Tianjin Teda” — “Chanchun Yatai” 1:5

Gollar: Anzur Ismoilov, 25 (0:1). Marinyo, 38 (0:2). Yu Rui, 43 (0:3). Fan Xiadong, 48 (0:4). Odion Igalo, 69 (0:5). Li Yunyi, 92+ (1:5).

“Shanxay SIPG” — “Shanxay Shenxua” 6:1

Gollar: Xalk, 56 (1:0). Vu Lei, 58 (2:0). Odil Ahmedov, 60 (3:0). Karlos Teves, 61 (3:1). Vu Lei, 63 (4:1). Xalk, 75 (5:1). Li Shanglong, 82 (6:1).

Foto: Soccerway

Foto: Soccerway

Izoh
Asosiy yangiliklar
Mahalliy
“Tez yordam mashinasi 5 yilda ikki baravarga ko‘paydi, bitta chaqiruv dorisi 640 so‘mdan 7,5 ming so‘mga oshdi”. “Daryo” tibbiyotdagi o‘zgarishlarni Namangan viloy...
Sport
Bundesliga. “Borussiya D” o‘z maydonida raqibini tor-mor etdi 
Shou-biznes
Instagram: Aeroportda dabdaba bilan kutib olingan Liil Xurramov, qo‘shiq kuylagan Abduhoshim Ismoilov, yangi raqqosalarni kashf etayotgan Yulduz Usmonova