Fotogalereya: Yer yuzidagi eng noodatiy shaharlar

AdMe bir necha haftalik ta’tilni maroqli o‘tkazish mumkin bo‘lgan Yer sayyorasidagi eng noodatiy shaharlar haqida ma’lumot to‘plab taqim etdi.

O‘lish mumkin bo‘lmagan shahar

Norvegiyaning ushbu Longyir shahrida o‘lish rasman taqiqlanadi. Shaharda qabriston mavjud, biroq 70 yildan beri marhumlarni qabul qilmaydi.

Bunga sabab muntazam sovuq tufayli jasad buzilmay turadi va yovvoyi yirtqichlarni o‘ziga jalb qiladi. Shaharda vafot etganlar samolyot yordamida mamlakatning boshqa shaharlariga olib boriladi.

“Do‘zax shahar”

AQShning Michigan shtatida Hell (Do‘zax) nomli shahar mavjud. Bu yerga tashrif buyurgan sayyohlar “Do‘zaxga xush kelibsiz” yozuvi ostida suratga tushishni yaxshi ko‘radi.

Shaharning xitoycha nusxasi

Xitoyliklar barcha narsadan nusxa ko‘chira oladi. Hatto shaharlardan ham. Xitoyliklar mamlakatdan chiqmay turib o‘zlarini Yevropada yurgandek his qilishlari uchun Avstriyaning Xallshtatt shahridan nusxa ko‘chirishga ruxsat berilgan.

Xitoy Xallshtattidagi ko‘chmas mulklar Avstriyadagidan qimmatroq turadi.

G‘or shahar

Tunis janubidagi Matmata shahrida hamon g‘or uylar saqlanib qolgan. 1970-yillarda shahar bo‘ylab yer ustiga uylar qurilgan bo‘lsada, ko‘plab mahalliy aholi avvalgidek g‘orlarda yashashni ma’qul ko‘rgan.

Ko‘k shahar

Marokashda Shaven nomli ajoyib shahar mavjud bo‘lib, u yerdagi uylar, devorlar, eshiklar va zinapoyalarning rangi ko‘k hamda havorang. Bu yerda qachonlardir yahudiylar yashagan va ular uylarini o‘zlari uchun muqaddas bo‘lgan ko‘k rangga bo‘yab chiqqan. Bu yerda yahudiylar bir necha yuz yildan beri yashamaydi, biroq an’ana saqlanib qolgan.

O‘zga sayyoraliklar shahri

1947-yilda AQShning Rozuell shahri yaqiniga noma’lum jism qulab tushgan. Bu qanday jism ekanligi borasida hamon bahs-munozalar davom etmoqda. Shunga qaramay Rozuell shahri butun dunyoga o‘zga sayyoraliklar shahri sifatida tanildi.

Qoyadagi shahar

Ispaniyadagi Setenil-de-las-Bodoges shaharchasi ulkan bazalit qoya bilan o‘ralgan.