Toshkent viloyatining Bo‘stonliq tumani, G‘azalkent shahridagi qo‘riqqa olingan savdo do‘konidan 9-iyun kuni soat 01:23 da signal tushgan. Bu haqda viloyat IIBB matbuot xizmati xabar berdi.
Maʼlum qilinishicha, tezkor guruh xodimlari 3 daqiqa ichida voqea joyiga yetib borgan. Do‘kon ichidagi nomaʼlum shaxs qochishga uringan va qo‘lidagi pichoq orqali o‘zini jarohatlash bilan tahdid qilgan.
Ko‘rilgan choralar natijasida Bo‘stonliq tumanida yashovchi, 1991-yilda tug‘ilgan (S.O.) shaxs quroldan zararsizlantirilib, qo‘lga olindi.
Holat yuzasidan hududiy IIB tomonidan tergovga qadar tekshiruv harakatlari olib borilmoqda.
Bundan avval Andijonda pul tashiladigan avtomobilga niqobli bosqinchilar hujum qilgan edi. Mazkur holat bo‘yicha Jinoyat kodeksining 164-moddasi 2-qismi “b” bandi (bosqinchilik, bir guruh shaxslar tomonidan oldindan til biriktirib) bilan jinoyat ishi qo‘zg‘atilib, Y.D. protsessual tartibda ushlangan.
Izoh (0)