Chempionlar Ligasi. “Sevilya” va “Napoli” guruh bosqichiga yo‘l oldi

Futbol bo‘yicha Yevropa Chempionlar Ligasining guruh bosqichiga yo‘llanma olgan yana 5 ta klub nomi aniq bo‘ldi. Bular: “Seltik”, “Maribor”, “Olimpiakos”, “Napoli”, “Sevilya”.

Brendan Rojers boshchilik qilayotgan Shotlandiyaning “Seltik” klubi ulardan biri. O‘z maydonida “Astana” darvozasiga javobsiz 5 ta gol urgan “Seltik”, safarda 3:4 hisobida imkoniyatni boy berdi.

Neapolning “Napoli” klubi esa ikkinchi o‘yinda ham Mario Balotelli jamoadoshlari darvozasiga javobsiz 2 ta gol urdi.

Istanbuldan g‘alaba bilan qaytgan “Sevilya” javob o‘yinida 2:2 hisobida durang o‘ynadi.

Chempionlar Ligasi Pley-off raundi 22-avgust, seshanba

“Astana” (Qozog‘iston) — “Seltik” (Shotlandiya) 4:3

“Maribor” (Sloveniya) — “Xapoel B-Sh” (Isroil) 1:0

“Riyeka” (Xorvatiya) — “Olimpiakos” (Gretsiya) 0:1

“Nitssa” (Fransiya) — “Napoli” (Italiya) 0:2

“Sevilya” (Ispaniya) — “Istanbul BB” (Turkiya) 2:2