Turkiya Rossiyaga qarshi sanksiyalarni qo‘llab-quvvatlamasligini bildirdi

Rasmiy Anqara Rossiyaga qarshi sanksiyalar joriy etilishiga qarshi, negaki bu Turkiya iqtisodiyotiga ham salbiy ta’sir ko‘rsatishi mumkin. Bu haqda Turkiya tashqi ishlar vaziri Mavlud Chovusho‘g‘li bayonot berdi, deb xabar qiladi “TASS”.

“Ilgari Turkiya sanksiyalar tufayli zarar ko‘rgan. Qo‘shnilarimizga va hamkorlarimizga qarshi sanksiyalar ham iqtisodiyotimizga zarar keltirgan. Shu bois biz Rossiyaga qarshi sanksiyalarga qo‘shilmadik va siyosiy choralarni ma’qul ko‘ramiz”, — ta’kidladi Turkiya diplomatiyasi boshlig‘i.

“Biz masalani muloqot yordamida hal qilishga urinamiz, iqtisodiyotimiz ziyon ko‘rmasligi uchun”, — qo‘shimcha qildi u.