Sochni turmaklashga vaqti yetishmaydiganlar uchun chiroyli, oddiy va tezkor turmaklar.

O‘rimli ot dumi

Sochni tepaga rezina bilan yig‘ing va uni uch qismga bo‘ling. Ikki chetdagi kokillar bilan o‘rtadagisi aylantirib, har bir aylanani rezina bilan bog‘lang. Rezinkali kokil doim o‘rtada qolsin.

O‘rim hajmdor bo‘lib chiqishi uchun kokillarni biroz tortib chiqing. Zarur bo‘lsa, lak sepib qotiring.

Gul shaklida yig‘ilgan soch

Sochning tepa qismini ajratib oling va “dum” qilib yig‘ing, rezinka taqing. Dumni ikkita kokilga ajrating. Ularni jgut qilib eshing va o‘zaro qo‘shib o‘ring. Uchiga rezinka taqib qo‘ying. Hosil bo‘lgan o‘rimni dumning asosiga spiral qilib o‘rang va to‘g‘nog‘ich yordamida mahkamlang.

Teskari turmak

Sochni pastga dum qilib yig‘ing. Tagiga qo‘lingizni solib, tuynuk hosil qiling va u yerga “dum”ni kiriting — shu tariqa siz rezinkani bekitasiz. Dumning qolgan qismini tarang, chig‘anoq shaklida o‘rang va to‘g‘nog‘ichlar yordamida qistiring. Tantanalar uchun turmakni gul shaklidagi tog‘nog‘ich bilan bezashingiz mumkin.

Ikkita o‘rimdan hosil qilingan soch bog‘lami

Sochingizni o‘rtadan ajratib, balandga ikkita dum qilib yig‘ing. Ularning har birini kokillarga ajratib, o‘ring. Ikkita o‘rimni biriga o‘rang va to‘g‘nog‘ich bilan mahkamlang.

Chambarak

Sochni o‘rtadan ikkiga ajratib, ensadan yuzga qaratib fransuzcha o‘ring. Uchlariga rezinka taqing. Hosil bo‘lgan o‘rimlarni tepaga ko‘taring, boshni aylantirib o‘rang va orqa tomonga to‘g‘nog‘ich bilan mahkamlang.

Manba: “Woman.ru”