Floyd Meyvezer: Tanamni ortiq qiynamoqchi emasman. Bu mening oxirgi jangim bo‘ladi

Professional boksning bir necha vazn toifasida chempionlik kamarini qo‘lga kiritgan va faoliyati davomida biror marta bo‘lsin mag‘lub bo‘lmagan Floyd Meyvezer kuzga qadar boksdan ketadi.

Charm qo‘lqop ustasi bu haqda Konor MakGregor bilan jangi oldidan o‘tkazilgan matbuot anjumanida aytib o‘tdi.

Men endi 21 yil avvalgi bokschi emasman. 10 yil oldingi holatim ham yo‘q. Hatto ikki yil muqaddam ham hozirgidek emasdim.

Men bugun bu haqda gaplashdim. Tanamni ortiq qiynashni istamayman. Bu aqlsizlik. Men boshqa chiday olmayman. Mashg‘ulot maydonini ko‘rgani ko‘zim yo‘q. Bu mening oxirgi jangim bo‘ladi.

Floyd Meyzever, bokschi