Nigeriyada “Boko Haram” hujumi oqibatida 14 kishi halok bo‘ldi

Nigeriyaning Mayduguri shahriga “Boko Haram” radikal harakati jangarilari tarafidan uyushtirilgan hujum oqibatida 14 kishi halok bo‘ldi. Bu haqda, Reuters’ga asoslanib, “RIA Novosti” xabar bermoqda.

Borno shtati politsiyasi komissari Demyen Chukvuning so‘zlariga qaraganda, jangarilar shahar atrofiga 7-iyun kechasi hujum uyushtirgan. Ularda zenit qurollari bo‘lgani aytilmoqda.

Hujum oqibatida, shuningdek, 40 kishi jarohatlandi.

Ayrim ma’lumotlarga qaraganda, jangarilar masjidlarga hujum uyushtirgan.