Xitoylik biznesmen 21-bor universitetga kirishga urinib ko‘radi

Xitoylik biznesmen Lyan Shi iyun oyida 21-marotaba universitetga kirish imtihonlari topshiradi. Bu haqda The South China Morning Post xabar bermoqda.

“Oliy o‘quv yurtidagi tahsil tajribasisiz hayot to‘laqonli bo‘lmaydi”, — deydi 50 yoshli tadbirkor.

Nashrga ko‘ra, Xitoyda Lyan Shini “eng tentak abituriyent” deb atashmoqda. Hozirda u ertalabdan kechgacha 7—9-iyun kunlari bo‘lib o‘tadigan imtihonlarga tayyorgarlik ko‘rmoqda.

Birinchi bor erkak 1983-yili o‘qishga kirishga uringan, biroq yetarli ball to‘play olmagandi. Uning o‘g‘li oliy ma’lumot olishga ulgurgani aytilmoqda.