Bugun,

  • USD 11095.31
  • RUB 173.84
  • EUR 10772.44

2017-yilning 2-may kuni O‘zbekiston Respublikasi Tashqi ishlar vaziri Abdulaziz Komilov Saudiya Arabistoni Podshohligining yangi tayinlangan Favqulodda va muxtor elchisi Xishom bin Mish’al bin Suvaylim al-Suvaylim bilan uchrashdi, deb xabar berdi vazirlik matbuot xizmati.

Foto: O‘zbekiston Tashqi ishlar vazirligi matbuot xizmati

Foto: O‘zbekiston Tashqi ishlar vazirligi matbuot xizmati

Vazir elchining ishonch yorliqlari nusxasini qabul qilib oldi.

Bo‘lib o‘tgan suhbat chog‘ida ikki tomon munosabatlarining, jumladan BMT, Islom hamkorlik tashkiloti va boshqa xalqaro tuzilmalar doiralaridagi hamkorlikning hozirgi holati va istiqbollari ko‘rib chiqildi.

Turli jabhalardagi O‘zbekiston—Saudiya Arabistoni aloqalaridagi ijobiy o‘sish sur’atlari mamnuniyat bilan qayd etildi hamda savdo-iqtisodiy, investitsion va boshqa sohalardagi hamkorlikni yanada rivojlantirishning istiqbolli yo‘nalishlari muhokama qilindi.

Uchrashuvda xalqaro va mintaqaviy ahamiyatdagi ayrim masalalar ham muhokama qilindi.

Oldinroq 2011—2017-yillarda Saudiya Arabistonining O‘zbekistondagi elchisi sifatida faoliyat olib borgan Abdurahmon bin Abdulloh ash-Shayaning diplomatik missiyasi yakunlangandi.

“Daryo”ning Telegram’dagi rasmiy kanali — @toshqindaryo’ga a’zo bo‘ling!

Izoh
Asosiy yangiliklar
Mahalliy
O‘zbekistonning Istanbuldagi Bosh konsulxonasi Turkiyadagi fuqarolarga murojaat bilan chiqdi 
Mahalliy
O‘zbekistonda 7-fevral kuni 20 darajagacha iliq bo‘lishi kutilmoqda 
Mahalliy
Shavkat Mirziyoyev va Rajab Toyyib Erdo‘g‘on telefon orqali muloqot qildi