Yunusobod tumanida elektr ta’minotida uzilishlar yuz berdi. Bu haqda “Daryo” internet-nashri mobil muxbirlari, shuningdek, ijtimoiy tarmoqlarning foydalanuvchilari ma’lum qildi.
https://twitter.com/A_Fayzullayev/status/849659922124066817
Foydalanuvchilarning ma’lum qilishicha, “Universam” bekati yaqinidagi podstansiyada yong‘in kelib chiqqan. Tumanning ayrim hududlarida bir necha soatdan beri chiroq yo‘qligi aytilmoqda.
“Hozirgi vaqtda odamlar ishlayapti, vaziyatni tartibga keltirishyapti. Sabr qilib, kutib turaylik, ixtisoslashtirilgan xizmatlar qo‘llaridan kelganini qilmoqda”, — deb yozgan foydalanuvchilardan biri.
Ayni vaqtda Yunusobodning ba’zi hududlarida elektr ta’minoti qayta tiklangani aytilmoqda.
“Qalampir.uz”ning Toshkent shahar yong‘in xavfsizligi boshqarmasiga asoslanib xabar berishicha, Yunusobod tumanida joylashgan tuman elektr podstansiyasidan transformator 14:34 yonib ketgan, 14:40 da o‘t o‘chirish mashinalar voqea joyiga yetib kelgan. 14:56 da olov o‘chirilgani aytilmoqda.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)