Qozog‘iston Respublikasi Prezidenti Nursulton Nazarboyev o‘zbekistonlik hamkasbi Shavkat Mirziyoyevga EKSPO-2017 ko‘rgazmasi maydonchasini ko‘rsatishni rejalashtirmoqda, deb yozadi “Kazinform”.
“O‘zbekiston EKSPO-2017 da keng ko‘lamda ishtirok etish haqida qaror qabul qilganligi uchun Shavkat Miromonovich, Sizga shaxsan minnatdorlik bildirmoqchiman va uni bugun sizga ko‘rsatmoqchiman”, — dedi Nursulton Nazarboyev Oq O‘rdadagi ikki tomonlama uchrashuv davomida.
Davlat rahbari O‘zbekiston ko‘rgazmada o‘zining eng yaxshi yutuqlarini namoyish etishi mumkinligini qo‘shimcha qildi.
O‘zbekistonning EKSPO ko‘rgazmasidagi ishtiroki mamlakatingizning eng yaxshi yutuqlarini dunyoga namoyish etish imkonini berishiga ishonaman.Qozog‘iston prezidenti, shuningdek, tomonlar barcha masalalarni muhokama qilishda bir-biriga ishonch va samimiylikka amal qilishiga ishonch bildirdi.Nursulton Nazarboyev, Qozog‘iston prezidenti
Izoh (0)