Handelsblatt nashrining xabar berishicha, Birlashgan Arab Amirliklarining Emirates va Etihad aviakompaniyalarining rahbarlari kompaniyalarni birlashtirish imkoniyatlarini ko‘rib chiqish bo‘yicha muzokaralar olib bormoqda. Muzokaralarga asos sifatida foydaning pasayib ketgani ko‘rsatilmoqda. 2016—2017-yilning birinchi yarmida Emirates’ning foydasi dollar qiymatining oshishi va “bozordagi noqulay sharoit” tufayli 75 foizga qisqardi. Bu haqda “Kommersant” ma’lum qildi.
2016-yil oktabr oyida Emirates xizmatlar uchun qo‘shimcha to‘lovlar kiritishni “jiddiy ko‘rib chiqayotgani” ma’lum bo‘lgan edi. Etihad o‘tgan yil bo‘yicha yakuniy hisob-kitoblarni ma’lum qilgani yo‘q, biroq kompaniya 2016-yil oxirida yo‘nalishlari sonini 116 tadan 112 taga qisqartirdi. Shuningdek, kompaniya tomonidan cheklovlarni qisqartirish va foydani oshirish rejalari haqida ma’lum qilingan edi.
Etihad’ning ma’lum qilishicha, avvalroq Emirates bilan alyans tuzish va hatto birlashish imkoniyatlari ham bo‘lgan edi. Biroq kompaniya muzokaralar haqidagi hozirgi ma’lumotlarni rad etdi. Emirates esa bu ma’lumotlarga hech qanday izoh bermadi.
Handelsblatt’ning ma’lum qilishicha, ekspertlar ikki aviakompaniyaning birlashishi kompaniyalar rahbarlari va egalari o‘rtasida murakkab kelishuvlarni talab qiladi deb hisoblamoqda, biroq bunday ehtimol hozirgi vaqtda noreal hisoblanmaydi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)