Dunyo ranglarga to‘la. Ular tabiiy bo‘ladimi, sun’iy bo‘ladimi, atrof-muhit bilan hamohanglikda betakror manzaralar yaratishga qodir. Voyagerloin nashri dunyoning turli nuqtalaridagi ranglar jilosi aks etgan fotojamlanmani taqdim etdi.
Burano dahasi, Venetsiya, Italiya
Venetsiyada joylashgan daha rang-barang uylarga boy.
Kolza gullari dalasi, Yunnan, Xitoy
Dala bahor boshlanishi bilan gullagan kolzalar bilan qoplanadi.
Chinkve-Terre (Beshta qishloq), Italiya
Tik qoyalar yonbag‘rida qurilgan beshta qishloq yetib borish qiyin joylardan biri hisoblanadi.
Dendy Street Beach, Melburn, Avstraliya
Koloniyalashtirish davrida qurilgan plyaj kabinalari bir-birini takrorlamas 82 usulda bo‘yalgan.
Dubaydagi mo‘jizalar bog‘i
45 million gulga ega bog‘ dunyodagi eng katta tabiiy gullar bog‘i hisoblanadi.
Kyokenxof bog‘i, Lisse, Niderlandiya
Bog‘ga mart oyidan may oyigacha tashrif buyurib, 32 gektar maydondagi 7 million lolaning go‘zalligidan bahra olish mumkin.
Kulusuk oroli, Grenlandiya
Grenlandiyaning janubi-sharqidagi kichik oroldagi barcha uylar yog‘ochdan qurilgan va tomlari yorqin ranglar bilan bo‘yalgan.
Lavanda dalalari, Provans, Fransiya
Lavanda Povansda XIV asrdan buyon yetishtiriladi. Binafsharang yo‘laklar bahorning oxirida o‘z go‘zalligini namoyon qila boshlaydi.
Lola dalalari, Niderlandiya
Niderlandiya bir yilda yetishtiriladigan uch milliard lola bilan dunyoda birinchi o‘rinda turadi.
Minakshi ibodatxonasi, Maduray, Hindiston
Ziyoratchilar eng ko‘p tashrif buyuradigan muqaddas joylardan biri bo‘lgan ibodatxonada nikoh marosimlari va ibodatlar bo‘lib o‘tadi.
Sen-Jan shahri, Nyufaundlend (Yangi yer), Kanada
Birinchi ingliz koloniyasi sifatida e‘tirof etilgan shahrning katta qismi tarixiy yodgorlik maqomiga ega.
Tira oroli, Gretsiya
Egey dengizida joylashgan oroldagi uylar oq, tomlar va gumbazlar esa ko‘k rangda. Orol quyosh botishini tomosha qilish uchun maqbul joy sifatida mashhur.
Selangor shtati, Malayziya
Daraxtlarning shoxlari butun yil davomida rang-barang chiroqlar jilosi bilan bezanib turadi.
Gullar vodiysi, Uttarakhand, Hindiston
Yetib borish juda qiyinligi sababli vodiy o‘zining tabiiy go‘zalligini saqlab turadi. Vodiyda gullarning 500 dan ortiq turi o‘sadi.
Guanaxuato shahri, Guanaxuato, Meksika
Meksikaning ranglarga boy shahri o‘zining kulolchiligi bilan mashhur. Shahar 1988-yilda YuNESKO ro‘yxatiga kiritilgan.
Hillier ko‘li, Midl-Aylend oroli, Avstraliya
Ko‘lning yorqin pushti rangi fan tomonidan aniq tushuntirib berilmagan. Biroq ko‘lda qizil pigmentli bakteriya borligi taxmin qilinadi.
Sholizorlar, Gulin Longji, Xitoy
Hosil yig‘imidan oldin yashil sholizorlar sariq tusga kiradi.
Valparaiso shahri, Chili
Dunyoning ranglarga eng boy shaharlaridan biri kichik “San-Fransisko” deb ham ataladi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)