“Yagona soliq to‘lovining eng kam miqdori joriy etilishi munosabati bilan yagona soliq to‘lov hisoblanishi va to‘lanishi tartibi to‘g‘risida”gi Nizomga o‘zgartirish kiritildi. Bu haqda Norma xabar bermoqda.
Nizom YaST to‘lovchilari budjetga egallagan yer maydonidan kelib chiqib hisoblanadigan yer solig‘ining 3 barobaridan kam bo‘lmagan soliq to‘lashini ko‘zda tutadi. Oldinlari eng kam YaSTni aniqlashda yer solig‘ining minimal stavkasi hisobga olinardi.
Moliya vazirligi, Iqtisodiyot vazirligi va Davlat soliq qo‘mitasi qarori bilan mazkur Nizomga o‘zgarishlar kiritildi. Unga ko‘ra, YaSTning eng kam miqdorini belgilashda yer solig‘ining minimal stavkasi faqat Toshkent shahridagi yer maydonlariga qo‘llanadi.
Boshqa mintaqalarda joylashgan yer maydonlariga ushbu hudud va yer toifalari uchun belgilangan yer solig‘i stavkasi qo‘llanadi.
“Daryo”ning Telegram’dagi rasmiy kanali — @toshqindaryo’ga a’zo bo‘ling!
Izoh (0)