Toshkentning Bunyodkor va Cho‘ponota ko‘chalari kesishmasida yo‘l o‘tkazgich quriladi
Toshkentning Bunyodkor shoh ko‘chasida navbatdagi yo‘l o‘tkazgich quriladi. Bu haqda “O‘zbekiston” telekanalining “Axborot” informatsion dasturida ma’lumot berildi.
O‘zbekiston Prezidenti Shavkat Mirziyoyev 3-fevral kuni, “Novza” metro bekati oldida bunyod etilayotgan yo‘l o‘tkazgich qurilishini ko‘zdan kechirish jarayonida, Bunyodkor va Cho‘ponota ko‘chalari kesishmasida barpo etilishi rejalashtirilayotgan yo‘l o‘tkazgich loyihasi bilan ham tanishdi.
“Axborot”da ma’lum qilishlaricha, yangi yo‘l o‘tkazgichning uzunligi 710 metrni tashkil etadi, eni esa 24 metrdan ortiq bo‘ladi.
Shavkat Mirziyoyev loyiha bilan tanishib, yo‘l o‘tkazgichni barpo etish bo‘yicha o‘z tavsiyalarini bergan.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
