Shavkat Mirziyoyev Qoraqalpog‘istondagi Xalq qabulxonasi bilan tanishdi va “har bir murojaatni adolatli ko‘rib chiqish” haqida ko‘rsatma berdi

O‘zbekiston Prezidenti Shavkat Mirziyoyev 20—21-yanvar kunlari Qoraqalpog‘iston Respublikasida bo‘ldi, deya xabar bermoqda O‘zA.

Tashrif doirasida Shavkat Mirziyoyev O‘zbekiston Prezidentining Qoraqalpog‘istondagi xalq qabulxonasini borib ko‘rdi.

Bu yerda fuqarolarni qabul qilish, murojaatlarni ko‘rib chiqish va saqlash zamonaviy axborot texnologiyalari asosida tashkil etilgan.

Ona va bola xonasi, tibbiyot xonasi va boshqa xonalarda zarur sharoitlar, nogironlar uchun alohida qulayliklar yaratilgan.

“Har bir murojaatni adolatli ko‘rib chiqish va hal etish, rahbarlarning murojaatlar bilan ishlashini tahlil qilib borish bo‘yicha ko‘rsatmalar berildi”, — deyiladi O‘zA axborotida.Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.