O‘zbekiston turoperatorlariga naqd xorijiy valyutani qabul qilishga ruxsat berildi
O‘zbekiston Respublikasi Moliya vazirligi, Markaziy bank boshqaruvi, Davlat soliq qo‘mitasining 2017-yil, 12-yanvardagi qarori bilan O‘zbekiston Respublikasi hududida naqd xorijiy valyutani qabul qilish qoidalari to‘g‘risidagi Nizomga o‘zgartish va qo‘shimchalar kiritildi. Bu haqda UzReport xabar bermoqda.
Hujjatga ko‘ra, endi naqd valyutada xorijiy fuqarolar va fuqaroligi hamda doimiy yashash joyi bo‘lmagan shaxslardan mehmonxonalar va boshqa joylashuv manzillaridagi xizmatlar, shuningdek, mahalliy turoperatorlar orqali xorijiy sheriklarning turistik xizmatlariga O‘zbekiston fuqarolari tomonidan to‘lov qabul qilinishi mumkin.
Bu holatlarda rezident va norezidentlardan naqd xorijiy valyutani qabul qilish korxona, tashkilotlarning maxsus kassalarida, belgilangan tartibda valyuta tushumi inkassatsiyasini tashkillagan holda amalga oshiriladi.
Qaror chop etilgan kundan boshlab kuchga kirdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
