Jahondagi eng yirik kompyuter xizmatlari ko‘rsatuvchisi — International Business Machines Corp. (IBM) keyingi to‘rt yil mobaynida AQShdagi xodimlari sonini 25 ming kishiga ko‘paytirmoqchi. Bu haqda kompaniya bosh direktori Virjiniya Rometti bayonot berdi, deb xabar qildi “Interfaks”.
Shuningdek, u IBM amerikalik xodimlarni o‘qitishga 1 milliard dollar ajratishini ma’lum qildi.
“Bu ‘oq yoqalar’ning ‘ko‘k yoqalar’ga qarshi kurashi emas, bu ‘yangi yoqalar’dir — ular ko‘p soha kompaniyalariga zarur, ammo bunday vakansiyalar bo‘sh qoladi”, — dedi Rometti.
Uning so‘zlariga qaraganda, texnologik hamda shu bilan bog‘liq sohalarda 500 ming ish o‘rni bo‘sh qolmoqda.
Izoh (0)