O‘zbekiston Prezidentligiga nomzodlarning barchasi — “Milliy tiklanish” demokratik partiyasidan Sarvar Otamuratov, O‘zbekiston Liberal-demokratik partiyasidan Shavkat Mirziyoyev, Xalq demokratik partiyasidan Xatamjon Ketmonov va “Adolat” sotsial-demokratik partiyasidan Narimon Umarov saylovda ovoz berib bo‘ldi.
Sarvar Otamuratov Toshkent shahar Yunusobod tumanidagi 584-saylov uchastkasida ovoz berdi.
Shavkat Mirziyoyev Toshkent shahar Mirzo Ulug‘bek tumanidagi 132-saylov uchastkasida ovoz berdi.
Narimon Umarov Toshkent shahar Shayxontohur tumanidagi 550-saylov uchastkasida ovoz berdi.
Xatamjon Ketmonov Toshkent shahar Olmazor tumanidagi 282-saylov uchastkasida ovoz berdi.
Toshkent vaqti bilan 10:00 holatiga ko‘ra, ro‘yxatga olingan saylovchilarning 25,49 foizi saylovda qatnashib, ovoz berib bo‘ldi. 6:00 da ochilgan saylov uchastkalari saylovchilarni 20:00 gacha qabul qiladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.