Xitoylik shaxmatchi qiz Szyuy Venszyun Rossiyaning Xanti-Mansiysk shahrida ayollar o‘rtasida Xalqaro shaxmat fereratsiyasi (FIDE) Gran-pri turnirining yanuniy bosqichi 10-turida gruziyalik Nino Batsiashvilini mag‘lubiyatga uchratib, musobaqa yakunlanishiga 1 tur qolganida 2015/16-yilgi mavsumda Gran-pri jadvalida 1-o‘rinni egalladi. Bu haqda “Interfaks” xabar bermoqda.
Mazkur natija Venszyunga jahon chempionligi uchun kechadigan bahsda ishtirok etish huquqini berdi. Xitoylik sportchi nokaut tizimida g‘olib bo‘lgan shaxmatchi bilan jahon chempionligi uchun kurashadi.
Ma’lumot uchun, shaxmat bo‘yicha ayollar o‘rtasidagi jahon chempionati 2017-yilning 10–28-fevral kunlari Eronda bo‘lib o‘tadi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)