Mercedes GP AMG jamoasi poygachisi Niko Rosberg faoliyatida ilk bor “Formula-1” chempioni bo‘ldi. Bu haqda “Intrefaks” xabar bermoqda.
Germaniyalik poygachi Abu-Dabidagi Gran-prida marraga ikkinchi bo‘lib kelgan bo‘lsa-da, 21 bosqichdan iborat chempionat yakuniga ko‘ra barchadan ko‘p — 385 ochko jamg‘ardi.
Niko Rosbergning jamoadoshi – britaniyalik Lyuis Xemilton so‘nggi bosqichda g‘alabaga da’vogarlik qilgandi.
Ammo Rosbergning ochkolari zaxirasi hamda Xemiltonni ta’qib qilgan texnik muammolar uning to‘rt karra “Formula-1” chempioni bo‘lishiga imkon bermadi va u yakunda 380 ochko bilan 2-o‘rinni egalladi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)