Amerikalik basketbolchi Lebron Jeyms Vashingtondagi afroamerikaliklar tarixi va madaniyati milliy muzeyida afsonaviy bokschi Muhammad Alining ko‘rgazmasini tashkil etish ishlariga 2,5 million dollar xayriya qildi. Bu haqda “TASS” xabar bermoqda.
“Muhammad Ali har doim men uchun namuna bo‘lgan. Nafaqat ringda, undan tashqarida ham — uning qarashlari, uning gapirgan gaplari va qilgan ishlari”, — dedi sportchi.
“Men u haqda har kuni o‘ylayman. Uning ishtiyoqi, uning g‘oyalari va qadriyatlari — bularsiz men balki hozir bu yerda, qarshingizda o‘tirmagan bo‘lardim”, — qo‘shimcha qildi Jeyms.
Ilgariroq ko‘rgazma jamg‘armasiga taniqli basketbolchi Maykl Jordandan 5 million dollar kelib tushgan edi.
Izoh (0)