“Manchester Yunayted” bosh murabbiyi Joze Mourinyo klub sardori Ueyn Runi asosiy tarkibda o‘ynashni istasa, boshqa jamoaga o‘tishni tavsiya qildi. Bu haqda Sun nashriga tayanib, “TASS” xabar bermoqda.
Xabarda ta’kidlanishicha, Mourinyo Runiga asosiy tarkibdan joy kafolatlay olmasligini aytib, shu bilan birga u bilan xayrlashish istagi yo‘q ekanini bildirgan.
31 yoshli Runi Angliya chempionatining so‘nggi to‘rt o‘yinida asosiy tarkibdan joy olmagandi. “Chelsi”ga qarshi (0:4) APL 9-turida esa angliyalik futbolchi o‘yin qaydnomasiga ham kiritilmagan edi.
Izoh (0)