Yetim qolgan toychoq unga onasini yo‘qotgan vaqti sovg‘a qilingan baxmal ayiq bilan birga uxlaydi, deya xabar bermoqda Meduza.

Briz laqabli toychoq Angliyaning Devon grafligida joylashgan The Mare and Foal Sanctuary qo‘riqxonasida yashaydi.

Toychoq dunyoga kelganidan bir necha soat o‘tib, onasi undan voz kechgan. Toychoqni mahalliy fermerlar topib olib, qo‘riqxonaga olib kelgan.

Briz ruhiy jarohatdan keyin o‘zini tiklab olishi uchun qo‘riqxona xodimlari unga Battons nomini olgan ulkan baxmal ayiq sovg‘a qilgan.

Mitti Briz o‘yinchoqning ustida uxlar va o‘zini xavfsiz his qilardi.

Oradan uch yil o‘tib, o‘yinchoq ayiqchadan bir necha barobar kattalashib ketgan bo‘lsa-da, Briz hali ham Battons bilan birga uxlaydi.

Foto: Meduza

Foto: Meduza

Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’”ga obuna bo‘lib, yangiliklardan ovozli ko‘rinishda bahramand bo‘lishingiz mumkin.