UzReport telekanali “Manchester Siti” — “Sautgempton” va “Chelsi” — “Yunayted” o‘yinlarini jonli ko‘rsatadi

Futbol bo‘yicha Angliya Premyer-Ligasi translyatsiyasi huquqini qo‘lga kiritgan O‘zbekistondagi yagona telekanal UzReport chempionatning 9-turidan joy olgan yana ikki uchrashuvni to‘g‘ridan-to‘g‘ri namoyish etadi. Bu haqda telekanalning “Sport” tahririyati bosh muharriri Yoqubjon Bobojonov Twitter’dagi sahifasida ma’lum qildi.

23-oktabr kuni Toshkent vaqti bilan 17:30 da start oladigan “Manchester Siti” — “Sautgempton” o‘yini to‘g‘ridan-to‘g‘ri ko‘rsatilib, uni Sanjar Rizayev sharhlab boradi.

20:00 dan boshlab esa Davron Fayziyev sharhlovchiligida 9-turning markaziy o‘yini — “Chelsi” — “Manchester Yunayted” efirga uzatiladi.

UzReport 22-oktabr kuni 3 ta bellashuvni jonli efirda ko‘rsatgandi.