UzReport телеканали «Манчестер Сити» — «Саутгемптон» ва «Челси» — «Юнайтед» ўйинларини жонли кўрсатади

Футбол бўйича Англия Премьер-Лигаси трансляцияси ҳуқуқини қўлга киритган Ўзбекистондаги ягона телеканал UzReport чемпионатнинг 9-туридан жой олган яна икки учрашувни тўғридан-тўғри намойиш этади. Бу ҳақда телеканалнинг «Спорт» таҳририяти бош муҳаррири Ёқубжон Бобожонов Twitter’даги саҳифасида маълум қилди.

23 октябрь куни Тошкент вақти билан 17:30 да старт оладиган «Манчестер Сити» — «Саутгемптон» ўйини тўғридан-тўғри кўрсатилиб, уни Санжар Ризаев шарҳлаб боради.

20:00 дан бошлаб эса Даврон Файзиев шарҳловчилигида 9-турнинг марказий ўйини — «Челси» — «Манчестер Юнайтед» эфирга узатилади.

UzReport 22 октябрь куни 3 та беллашувни жонли эфирда кўрсатганди.