Buyuk Britaniyaning sobiq bosh vaziri siyosatga qaytishi mumkinligini aytdi
Buyuk Britaniyaning sobiq bosh vaziri Toni Bler mamlakat siyosiy hayotida yana ishtirok eta boshlashi mumkinligini istisno qilmadi. Bu haqda “Interfaks” xabar bermoqda.
“Hozircha bu ochiq savolligicha qolmoqda”, — dedi u Esquire jurnaliga bergan intervyusida.
“Hozir o‘zimga to‘g‘ri keladigan o‘rin topa olamanmi, yo‘qmi, bilmayman. Ayni paytda men o‘z ahvolimga doir axborotning faqat bir qismini oshkor etishni istardim”, — qo‘shimcha qildi Bler.
Sobiq hukumat rahbarining so‘zlariga qaraganda, Britaniya jamoatchiligi hozirda Brexit masalasida “ultraso‘l” leyboristlar partiyasi hamda konservativ hukumat o‘rtasidagi ixtiloflar girdobida qolib ketdi. U mazkur vaziyatni “Buyuk Britaniya uchun fojia” deb baholadi.
“Konservativ hukumat Yevroittifoqdan qat’iyan chiqishni yoqlamoqda, ultraso‘l leyboristlar partiyasi esa bizni 60-yillarga qaytaradigan siyosiy metodlarni qo‘llab-quvvatlamoqda”, — ta’kidladi u.
