10-oktabr kuni O‘zbekiston poytaxtida Tashkent Challenger—2016 tennis turniri start oladi

Nihoyasiga yetgan Tashkent Open—2016 turniridan keyin O‘zbekiston poytaxti erkaklar o‘rtasidagi Tashkent Challenger—2016 musobaqasiga mezbonlik qiladi, deb xabar berdi “Olamsport”.

2008-yildan buyon muntazam o‘tkazib kelinayotgan turnir 10-oktabr kuni start olib, 15-oktabrga qadar davom etadi.

Tashkent Challenger—2016 da mamlakatning birinchi raqamli raketkasi Denis Istomin qatorida Farruh Do‘stov, Sanjar Fayziyev, Jo‘rabek Karimov, Humoyun Sultonov, Temur Ismoilov kabi o‘zbekistonlik tennischilar bosh sovrin uchun kurash olib boradi. Musobaqaning mukofot jamg‘armasi Tashkent Open—2016 turnirinikidan ikki barobarga kam — 125 ming AQSh dollari.

Musobaqaning amaldagi g‘olibi o‘zbekistonlik Denis Istomin hisoblanadi. U bir yil muqaddam finalda slovakiyalik tennischini mag‘lub etgan. Bundan tashqari, 2011-yilgi musobaqada ham chempionlikni nishonlagan.