Futbol bo‘yicha Yevropa Chempionlar Ligasi uchrashuvlari uchun chiqariladigan chipta narxlari bo‘yicha Turinning “Yuventus” klubi birinchi bo‘lib oldi.
“Keksa senyora”ning uy uchrashuvini ko‘rish muxlislar uchun kamida 39 funtga tushadi. Bu tahminan 50 AQSh dollarini tashkil qiladi.
Chiptalarning qimmatligi bo‘yicha Ispaniyaning “Barselona” klubi ikkinchi bo‘ldi. “Kamp Nou” stadionida Chempionlar Ligasi uchrashuvini tomosha qilish bir muxlis uchun 38 funtga tushadi.
Ro‘yxatda “Arsenal” 37, “Lester” 35, “Sevilya”, “Napoli”, “Atletiko”, “Beshiktosh” klublari 34 funtdan chipta sotishi ko‘rsatilgan. Bu ko‘rsatkich “Real”da 30, “Borussiya Dortmund”da 27, “Bavariya”da 26, “Manchester Siti”da 25, “PSJ” va “SSKA”da 24 funtni tashkil qiladi.
Eng arzon chipta Kiyevning “Dinamo”si o‘yinini ko‘rish uchun chiqariladi. Ukraina chempionining xalqaro maydondagi uchrashuvini tomosha qilish uchun 4 funt to‘lashning o‘zi kifoya. “Rostov”da bu ko‘rsatkich 7 funtga teng.
Izoh (0)