SpaceX aerokosmik kompaniyasi sayyoralararo parvozlarga mo‘ljallangan dvigatelni sinovdan o‘tkazdi. Bu haqda, The Business Insider nashriga asoslanib, “Interfaks” xabar bermoqda.
Yangi dvigatel kompaniyaning kishilik sivilizatsiyasini Yerga qo‘shni sayyoralarni mustamlaka qilishga yaqinlashtirishga qaratilgan maqsadi doirasida ishlab chiqildi.
Ilgariroq kompaniya rahbari Ilon Mask, agarda insoniyat uzoq istiqbolda yashab qolishni istasa, million kishi Marsni mustamlaka qilishi lozimligini ta’kidlab o‘tgan edi.
Qizil sayyorani egallash rejalarining tafsilotlarini Ilon Mask 67-Xalqaro astronavtika konferensiyasi (IAC) chog‘ida oshkor qilmoqchi. Tadbir 27-sentabr kuni Gvadalaxarada (Meksika) bo‘lib o‘tadi.
Izoh (0)