Orziqib kutilgan kun ham yetib keldi – paralimpiyachilarimiz XV yozgi Paralimpiya o‘yinlarida muvaffaqiyatli qatnashib, katta g‘alaba bilan Riodan qaytdi.
Ucell kompaniyasi mana uch yildirki O‘zbekiston Milliy paralimpiya assotsiatsiyasini qo‘llab-quvvatlab kelmoqda. Hamkorlik yillari davomida birgalikda qator respublika musobaqalari va boshqa sport tadbirlari o‘tkazilib, paralimpiyachilar ajoyib natijalarni ko‘rsatdi. Rio—2016 Paralimpiya o‘yinlari o‘tkazilayotgan kunlarda butun O‘zbekiston bizning sportchilarimizni qo‘llab-quvvatlab, g‘alaba va omad tilab turdi.
Ucell kompaniyasi Bosh direktori janob Tonu Gryunberg o‘z taassurotlari bilan o‘rtoqlashadi: “Bizning jasur va dovyurak sportchilarimiz uchun g‘urur va iftixor tuyg‘ularidan qalbimiz to‘lib-toshyapti. Shu kunlarda butun mamlakat O‘zbekiston paralimpiyachilariga faqat g‘alaba tilab, umid bilan eng samimiy niyatlarini bildirdi. Bunday yuksak mukofotlar, Riodagi yorqin g‘alabalar ortida paralimpiyachilarimizning katta mehnati, O‘zbekiston Milliy paralimpiya assotsiatsiyasi rahbariyatining tinimsiz sa’y-harakatlari, to‘g‘ri strategiyasi va mamlakat aholisi hamda Ucell’ning ‘Rio g‘alabalari sari birgalikda!’ tanlovi ishtirokchilarining eng samimiy niyat va tilaklari mujassamlashgan. Sportchilarimizning shunday a’lo natijalari bilan butun mamlakatimizni tabriklamoqchiman va paralimpiya harakatini rivojlantirishda barcha qo‘yilgan maqsadlarga erishishni tilab qolaman”.
Eslatib o‘tamiz, Rio—2016 Paralimpiya o‘yinlari boshlanishi arafasida Ucell kompaniyasi ijtimoiy tarmoqlarda “Rio g‘alabalari sari birgalikda!” fototanlovini o‘tkazishi haqida e’lon bergan edi. Ushbu tanlov orqali Ucell kompaniyasi barcha xohlovchilarga mamlakatimiz paralimpiyachilari Milliy terma jamoasiga o‘zlarining samimiy tilaklarini izhor etish va qo‘llab-quvvatlash uchun ajoyib imkon yaratdi.
Tanlov 7-sentabr kuni start oldi va 16-sentabrgacha davom etdi. 10 kun mobaynida ijtimoiy tarmoqlarning qariyb 50 mingga yaqin foydalanuvchilari tanlovdagi ishtirok ketidan kuzatib turdi. 8 428 dan ortiq foydalanuvchi Ucell xodimlari jamoasining videolari va chin yurakdan izhor etilgan tilaklarini ko‘rishga muvaffaq bo‘ldi. Kompaniya to‘g‘ridan-to‘g‘ri Riodan olinayotgan yangiliklari bilan tezkor ravishda o‘rtoqlashdi, paralimpiyachilarimizning yuksak muvaffaqiyatlari to‘g‘risida barcha mijozlariga tezda xabar berdi.
Aynan yurtimiz fuqarolari Ucell uyushtirgan “Rio g‘alabalari sari birgalikda!” fototanlovining g‘oliblarini aniqladi. Eng ko‘p sonli layklarni quyidagi foydalanuvchilar to‘pladilar:
- 1-o‘rin: Oleg Muxametov, Toshkent shahri
- 2-o‘rin: Anastasiya Finogentova, Toshkent shahri
- 3-o‘rin: Madina Tosheva, Buxoro shahri
- 1-o‘rin: Shaxzoda xon (Mamadaliyeva Shaxzodaxon), Andijon shahri
- 2-o‘rin: Baxtli Ayol (Ergasheva Khuvaydakhon O‘ktamovna), Farg‘ona shahri
- 3-o‘rin: Shaxzod Bobojonov, Qo‘qon shahri
Anastasiya Finogentova, fototanlov sovrindori: “Joriy yili mamlakatimiz sportchilari bizga butun dunyo oldida xalqimiz uchun cheksiz g‘urur va quvonch tuyg‘ularini tuhfa qildilar! Biz butun oila bo‘lib, har kuni musobaqalarni televidiniye orqali tomosha qilib, har bir sportchimizni qo‘llab-quvvatlab turdik. Ucell kompaniyasi bizga paralimpiyachilarimizni dil so‘zlarimiz bilan qo‘llab-quvvatlash uchun ajoyib imkoniyat yaratganidan juda xursandmiz. Shu kabi samimiy niyat va tilaklar ko‘plab izhor etilganiga aminman va sportchilarimiz erishgan yuqori natijalari buning yaqqol dalilidir. Sportchilarimizni yana bir bor tabriklamoqchiman: Dunyoda eng yaxshisi – Sizlar!”
O‘z navbatida, Ucell kompaniyasi ham qahramon-paralimpiyachilarimizni qutlashga hozirlanmoqda va ushbu tadbirda fototanlov g‘oliblari ham ishtirok etib, kompaniya mukofotlari bilan taqdirlanadi.
Reklama huquqi asosida. Xizmatlar litsenziyalangan
Izoh (0)