Bugun,

  • USD 11095.31
  • RUB 173.84
  • EUR 10772.44

O‘zbekiston Prezidenti vazifasini bajaruvchi, Bosh vazir Shavkat Mirziyoyev joylarda ketayotgan ijtimoiy-iqtisodiy islohotlar, sanoat va ijtimoiy sohada amalga oshirilayotgan keng miqyosli ishlar bilan tanishish maqsadida 20-sentabr kuni Angren shahriga tashrif buyurdi. Bu haqda UzReport xabar bermoqda.

Foto: UzReport

Foto: UzReport

Xususan, u “‘Angren’ MIZ hududida konveyer tasmalari, qishloq xo‘jaligi shinalari ishlab chiqarishni tashkil etish” loyihasi realizatsiyasi bilan tanishdi. Uning doirasida yiliga 100 ming metr konveyer tasmalari, 200 ming qishloq xo‘jaligi shinalari, 3 million avtomobil shinalari ishlab chiqarish rejalashtirilmoqda. 2015–2018-yillarga mo‘ljallangan loyiha realizatsiyasi 1200 ish o‘rni yaratish imkoniyatini beradi.

O‘zbekiston Prezidentining 2015-yil 28-avgustdagi “‘Angren’ MIZ hududida konveyer tasmalari, qishloq xo‘jaligi shinalari ishlab chiqarishni tashkil etish’ investitsion loyihasini amalga oshirish chora-tadbirlari to‘g‘risida”gi qaroriga muvofiq, 2016/2017-o‘quv yilidan boshlab Toshkent kimyo-texnika institutida rezina-texnika buyumlari texnologiyasi mutaxassisligi bo‘yicha kadrlar tayyorlash amalga oshirilmoqda.

Shuningdek, loyiha doirasida zavodning 105 mutaxassisi Xitoydagi tegishli yo‘nalishdagi zavodlarda stajirovka o‘tab qaytadi.

Shu kunning o‘zida Shavkat Mirziyoyev Angren IESning yangi energoblokini ko‘zdan kechirdi. Bu yerdagi qurilish-montaj ishlari joriy yilning avgust oyida yakunlangan edi.

Avgustda yangi energoblok ilk bora ishga tushirilgan edi. Sentabr oyida loyihaviy quvvat bilan ishlay boshlagan energoblok yiliga 840 million kVt/soat elektr energiyasi va 423 ming gigakaloriya issiqlik energiyasi ishlab chiqarilishini ta’minlaydi.

Shuningdek, Shavkat Mirziyoyev “Angren” ko‘mir konidagi yuzani ochish, ko‘mir qazib olish va yetkazish ishlari hamda “O‘zbekko‘mir” AJni qayta jihozlash jarayoni bilan tanishib chiqdi. 2016-yil 15-sentabr holatiga ko‘ra yuzani ochish ishlari hajmi 15,4 million metrni kubni, ko‘mir qazib olish hajmi 2,6 million tonnani tashkil etdi. Yil oxiriga qadar 23 million metr kub yuza ochilishi, ko‘mir qazib olish hajmini esa 3,7 million tonnaga yetkazish rejalashtirilmoqda.

Bundan tashqari, safar chog‘ida Shavkat Mirziyoyev 24-sonli maktabgacha ta’lim muassasasi hamda Angren “Dehqon bozori”da bo‘ldi.

Angren shahar faollari yig‘ilishida O‘zbekistonning Birinchi Prezidenti Islom Karimovning faoliyati hamda mustaqillikka erishish, yurt ravnaqini ta’minlash, tinchlik va xalq farovonligini mustahkamlashdagi ulkan xizmatlari alohida qayd qilib o‘tildi. Uning uzoqni ko‘zlagan siyosati tufayli O‘zbekiston bir tomonlama iqtisodiyotga ega qoloq mamlakatdan zamonaviy sanoatlashgan mamlakatga aylandi. Buni sanoatning iqtisodiyotdagi 34 foizlik o‘rni hamda eksport mahsulotlari hajmining yillik 70 foiz o‘sishi yaqqol namoyish etishi ta’kidlab o‘tildi.

Islom Karimov tashabbusiga ko‘ra tashkil etilgan “Angren” erkin industrial zonasida 11 ta yirik investitsion loyiha amalga oshirildi. Yil oxiriga qadar 7 ta yangi ishlab chiqarishni foydalanishga topshirish rejalashtirilmoqda.

Shu bilan birga, bo‘lib o‘tgan yig‘ilishda Angren infrastrukturasiga oid masalalar tahlil qilindi. Shahar hokimiga, tegishli vazirlik va idoralar rahbarlariga mavjud kamchiliklarni bartaraf etish bo‘yicha ko‘rsatmalar berildi.

Shuningdek, bir qator tashkiliy masalalar ko‘rib chiqildi.

Izoh
Asosiy yangiliklar
Dunyo
Hindistonda voyaga yetmagan qizlarga uylanishda ayblanib, 2 mingdan ortiq erkak hibsga olindi
Dunyo
AQSH harbiylari mamlakat osmonida uchayotgan Xitoy sharini urib tushirdi. Pekin norozilik bildirdi (video)
Dunyo
“Putin menga Zelenskiyni o‘ldirmaslikka va’da bergan” — Isroil sobiq bosh vaziri Bennet Rossiya prezidenti bilan suhbati haqida gapirib berdi