2016-yilning 4-sentabr kuni 22 yoshini qarshi olgan O‘zbekistonning ikkinchi raketkasi Sabina Sharipova shu kunning o‘zida Xitoyning Guyyan shahridagi ITF turkumiga kiruvchi tennis turnirining g‘olibasiga aylandi. Bu haqda tennischi Instagram’dagi sahifasida ma’lum qilgan.
Sabina Sharipova finalga qadar xitoylik Hao Chen Tang (6:1, 4:6, 6:2), Xitoy Taypeyi vakilasi Chi-Yu Hsu (6:3, 6:4), xitoylik Sinyu Gao (7:5, 6:1), mezbonlar vakilasi Chang Lyuni (6:3, 6:1) mag‘lubiyatga uchratdi.
Final bahsida WTA reytingida 187-o‘rinda borayotgan Sabina Sharipova 748-pog‘onani egallagan xitoylik Xanyu Guoni 6:7, 7:6, 6:4 hisobida mag‘lubiyatga uchratib, bosh sovrinni qo‘lga kiritdi.
Qayd etish joiz, ushbu musobaqada O‘zbekistonning birinchi raketkasi (dunyo reytingida 172-o‘rin) Nigina Sharipova ham ishtirok etib, yarim finalda aynan Xanyu Guoga 6:3, 4:6, 3:6 hisobida mag‘lub bo‘lgandi.
Ma’lumot uchun, Sabina Sharipova 1994-yilning 4-sentabr kuni tavallud topgan.
Izoh (0)